Gjermania është pa trajner që prej largimit të Hansi Flick. Tekniku Flick ndërpreu bashkëpunimin me “Panzerat” për shkak të rezultateve të dobëta dhe tani drejtuesit janë në kërkim të një “timonieri” të ri. Ish mesfushori Michael Ballack, në një intervistë, ka dhënë edhe sugjerimin e tij për pankinën.

“Duhet të fokusohemi në më të mirën e mundshme. Unë do të zgjidhja një njeri me përvojë dhe Louis van Gaal është një menaxher i jashtëzakonshëm”.

“Ai definitivisht nuk është një trajner i lehtë për t’u arritur, por kjo nuk është një gjë e keqe. Mendoj se skuadra ka nevojë për kontribute të reja afatgjata. Ne ende duhet të mësohemi me faktin se ai ka një pasaportë holandeze” – Tha ai. JS

(BalkanWeb)