Kryeministri i Shqipërisë, Edi Rama ka kujtuar në Fier koalicionin me LSI në mandatin e parë të qeverisjes.

Rama e pranon se në atë mandat u bënë shumë gjëra të mira, por thotë se për një reformë që kërkonte PS, LSI kërkonte 10 vende pune pasi nuk mbanin përgjegjësi për reformën.

Ai thotë se LSI në qeveri funksiononet si qeliza kanceri pasi kërkonin vetëm vende pune. Prandaj Rama ka bërë të qartë se s’mund të ketë më kthim pas për Shqipërinë.

‘’Luli dhe PD nuk janë të lirë, janë të kapur për këmbësh nga Meta e Kryemadhi. Kur ishim në koalicion kemi bërë plot gjëra të mira, ne për reforma, ata për vende pune.

Për një reformë duheshin dhënë 10 vende punë andej. Sepse ata nuk mbanin përgjegjësi, ata funksiononin si qelizat e kancerit. Rritja dhe shpeshtimi i qelizave të kancerit është e njohur botërisht si pa qëllim. Vetëm për vetëasgjesim në fund, duke vetëasgjesuar gjithë organizmin. S’mund të kthehemi mbrapa. ‘’- tha Rama.

(BalkanWeb)