Ricky Martin ka treguar se njeriu që e shtyu të fliste hapur për identitetin e tij seksual ishte babai i tij.
Gjatë një interviste në “Andy Cohen Live” të SiriusXM, këngëtari 52-vjeçar pranoi se më në fund u hap për jetën e tij personale në vitin 2010 pasi babai i tij, Enrique, i dha këshilla.
Siç ka theksuar në raportimin e tij, babai i tij i kishte thënë: “Çfarë do të bësh, a do t’i mësosh edhe fëmijët të gënjejnë? Duhet të jesh i hapur. Duhet të zbulosh veten. Unë dua të të ndihmoj, por si mund ta bëjmë këtë”.
Përgjigja ndaj babait të tij atëherë ishte: “Mirë, babi. Më jep pak kohë. Nuk di si ta bëj. Nuk e di nëse do të bëhet përmes një interviste. Nuk e di nëse dua të shkruaj një letër dhe ta postoj në Twitter. Nuk e di”.
Jo shumë kohë më parë, Martin i ishte referuar sërish daljes që kishte bërë rreth 14 vjet më parë. Ylli i popit portorikan kujtoi se para se të dilte, edhe miqtë e ngushtë e paralajmëruan se nëse zbulonte se ishte homoseksual “do të ishte fundi i karrierës së tij” diçka që ai e ka përmendur në të kaluarën.
Ai tha për revistën GQ: “Unë isha njeriu i vitit me ‘Livin’ la Vida Loca’ dhe më pas iu referova një marrëdhënieje që kisha me një burrë gjatë asaj kohe, duke thënë: “Ishim 20 vjeç. I thashë se do të hiqja dorë nga të gjitha, do të shkoja në Evropë dhe do të ishim bashkë. Ai më thotë ‘rruga jote është e qartë. Unë shoh të ardhmen tënde. Të dua, por ne nuk mund ta bëjmë këtë’.
Në të njëjtën bisedë, ylli 52-vjeçar thote:“Nuk ka dritë në tunel. Sa herë që shoh një adoleshent të dalë, them: ‘Ti je shumë me fat, sepse nuk duhet të përballesh më me këtë.’ ‘Mbaje sekretin.’
Sepse vetëm po të ishit në vendin tim, do ta kuptonit se çfarë po kaloja”.