Nga: ZONJA ENEIDA
Për bazën:
150 gr biskota
60 gr gjalpë
Për kremin:
400 gr konservë pjeshke
4 lugë niseshte
90 gr sheqer
50 gr gjalpë
100 ml ujë
2 të verdha veze
Për marengën:
2 të bardha veze
100 gr sheqer
Grijmë biskotat dhe shtojmë gjalpin. Formojmë brumin dhe e shtrojmë në tavë duke e shtypur me fundin e një gote. E vendosim në frigorifer të ftohet.
Në një tenxhere bashkojmë sheqerin me ujin dhe niseshten, i vendosim në zjarr duke i trazuar derisa të trashen pak.
Pjeshkët i grijmë mirë në mikser dhe i shtojmë në tenxhere. I trazojmë derisa fillojnë të ziejnë dhe i heqim nga zjarri. Shtojmë direkt vezët një e nga një si dhe gjalpin. E lëmë të ftohet dhe e shtojmë mbi biskotë.
Rrahim të bardhat e vezës me sheqerin derisa të bëhen shkumë. E vendosim mbi tartë dhe e pjekim 10 minuta në 220 gradë sa të marrë ngjyrë nga lartë.