Arsenal thyen pastër 2-0 Luton, kalon presion te Liverpool, duke marrë provizorisht kreut e Premier League, plus një nga të kuqtë. Gjithçka e thjeshtë për “topçinjtë” e Artetas që mbyllën llogaritë me Luton që në pjesën e parë. Në minutën e 24-të, pas një presion të lartë në zonën e miqve, Havertz dhuroi një asisit për Odegard, me kapitenin që nuk fali duke dërguar topin në rrjetë. Në fundin e pjesës së parë, në minutën e 44-të, Arsenal gjeti edhe golin e dytë fal një presioni të ushtruar nga Nelson.
Në fraksionin e dytë, “topçinjtë” administruan me qetësi avantazhin e dyfishtë duke ulur ndjeshëm ritmin e lojës, sigurisht të kushtëzuar edhe nga kalendari i ngjeshur pasi në horizont është edhe sfida më Bayern Munich në Champions League. Rezultati mbeti i pandryshuar deri në fund, me Arsenal që fut në xhep një tre pikësh të rëndësishëm:
“Arritëm të bënim pak rotacion duke freskuar ekipin. Kush hyri në fushë bëri mirë. Pas disa ditësh kemi një tjetër ndeshje, luajmë në transfertë përballë Brighton, Gara për titull? Ne dëshirojmë të jemi top në këtë fund sezoni. Të fitojmë ndeshjet tona është e vetmja gjë që kemi në dorë”, u shpreh Arteta pas ndeshjes.
(BalkanWeb)
