Tërmeti i mëngjesit të së martës ka shkaktuar probleme të mëdha në shumë zona të vendit, kryesisht Durrës, Krujë, por edhe Tiranë. Mes banorëve të prekur janë edhe ata të Vorës, ku disa prej tyre kanë zgjedhur që të lënë banesat për shkak të dëmtimeve të mëdha, dhe po kalojnë natën në çadra.

Në një lidhje direkte për ‘News24’ nga Vora, gazetari Ergys Gjençaj pohoi se çadrat janë vendosur në lulishten e kësaj bashkie, ndërkohë që nuk duket se ka ndonjë organizim nga shërbimi i emergjencave.

Ai ka bërë me dije se shumë banesa dhe pallate janë dëmtuar nga lëkundjet me magnitudë 6.3 të shkallës rihter. Nga të dhënat paraprake mësohet se rreth 7 pallate janë dëmtuar, ndërkohë që banorët janë larguar prej aty për t’i paraprirë ndonjë rreziku të mundshëm për shembje.
(BalkanWeb)

• Tërmeti shkatërrimtar, 7 pallate dhe shumë banesa në Vorë të dëmtuara, banorët kalojnë natën në çadra
• “Më ra tulla në kokë”, qytetarët në stadiumin e Durrësit: Na dhanë çadra vetëm për dy vetë
• Thirrje për ndihma në Shijak! Denoncimi tek Berisha: Asnjë ndihmë, vetëm 3 çadra
• Taulant Balla nga Elbasani: Po ndihmojmë personat në nevojë, qëllimi ynë, asnjë familje mos të kalojë natën jashtë
• Tërmeti nuk kurseu as monumentet, Ministria e Kulturës: Ndalohet hyrja në kalanë e Krujës dhe atë të Prezës
• Pas Thumanës, Rama shkon në Lezhë, do inspektojë dëmet nga tërmeti
• Studentët e Universitetit të Tetovës dhurojnë 6 mijë euro për familjet e prekura nga tërmeti në Shqipëri
• PS e PD bashkë/ Komuniteti i biznesit në Elbasan 484 mln lekë për familjet e prekura nga tërmeti. Balla: Dita për të treguar solidaritet
• Lutja e veçantë për Shqipërinë nga Tetova, nxënësit të ulur në gjunjë shpalosin flamurin gjigand (Video)