TIRANA

Dita e pestë e protestës për Klodian Rashën ka nisur ndryshe. Qytetarët kanë vendosur të protestojnë paqësisht me pankarta dhe simbolika.

Në fillim ata u grumbulluan tek sheshi ”Skënderbej” dhe pasi qëndruan aty më pak se një orë u larguan nga aty, në marshim tek bulevardi ”Dëshmorët e Kombit” për t’u stacionuar tek Kryeministria. Pas disa minutash, ata u larguan për të marshuar drejt Drejtorisë së Policisë së Tiranës.

Deri më tani nuk ka pasur dhunë dhe tensione, por vetëm shkëmbim deklaratash mes policëve dhe protestuesve.

Protestuesit kërkojnë sot drejtësi për Klodian Rashën, lirimin e të arrestuarve në 4 protestat e tjera të dhunshme në Tiranë si dhe largimin e drejtorit të Policisë, Ardi Veliut.

(BalkanWeb)

• Forcat Speciale bllokadë afër Drejtorisë së Policisë Tiranë, disa protestues gjuajnë me gurë, kundërpërgjigjie me gaz lotsjellës e ujë
• ‘’Rama ik’’, protestë paqësore në sheshin ‘’Skënderbej’’, kërkohet lirimi i të arrestuarve
• Video/ Vrasja e Klodian Rashës, protestë edhe në Cërrik e Lushnje, qytetarët mbajnë 1 minutë heshtje