ATHINE- Dhimbja është ulur këmbëkryq në fshatin bregdetar Mati, 25 km larg Athinës, ku zjarri thuajse përpiu gjithçka, duke marrë edhe jetë njerëzish. Pamjet dramatike që vijnë nga Mati i ngjajnë atyre të një apokalipsi. Mediat greke kanë publikuar dëshmi rrëqethëse të qytetarëve, të cilët sot vuajnë pasojat e humbjes së të dashurve të tyre, por edhe të dëmeve që la pas zjarri.

Një e moshuar, banore e këtij fshati tregon për ‘Zougla.gr’ se si i mbijetoi flakëve, teksa arriti të shpëtonte nipërit dhe mbesat e saj.

“Pashë që shtëpia ime digjej dhe unë nuk mund të bëja asgjë”, rrëfen gruaja, e cila ka humbur gjithë pasurinë e saj nga zjarri. Ndërkohë një tjetër banor tregon se si arriti të shpëtonte nga flakët e frikshme, ndërsa kishte marrë me vrap fëmijët e tij dhe ishte drejtuar për nga deti.
Në këtë fshat humbën jetën 26 persona, 3 prej të cilëve dyshohet se janë shqiptarë, të cilët u gjetën të djegur në një restorant. Ai është një fshat i vogël turistik me pamje nga deti me pak se 40 kilometra nga Athina.

(ed.me/BalkanWeb)

• Thellohet bilanci i viktimave nga zjarri në Greqi, shkon në 83 numri i të vdekurve, qindra të zhdukur
• Ambasada shqiptare: Asnjë shqiptar mes viktimave në Greqi, 3 të plagosur, mes tyre 2 fëmijë nga Fieri
• Zjarret në Athinë, 26 familjarët u dogjën të gjallë në restorant, u gjetën të përqafuar
• Kryeministri grek shpall 3 ditë zie kombëtare: Të gjithë në këmbë kundër zjarreve
• Shkrumbohet Athina, dalin pamjet apokaliptike të filmuara me dron (Video)
• Tragjedia kombëtare në Greqi, SHBA në terren për hetim: Ja kush mund t’i ketë shkaktuar zjarret
• “Mati nuk ekziston më”, fshati turistik afër detit në Athinë “përpihet” nga flakët (Foto)
• VIDEO/ Tmerr nga zjarret në Greqi, dyshohet për vdekjen e 5 shqiptarëve, 2 prej tyre fëmijë
• Shqiptari rrëfen momentet e tmerrit në Athinë: Si iu largova në kohë flakëve bashkë me gruan e djalin (Video)
• Zjarret në Greqi, gjendet makina e shkrumbuar me një viktimë brenda, dyshohet e emigrantit shqiptar